Avropa deyəndə yada nə düşür?
Ümumiyyətlə, nəqliyyat mədəniyyətimizdən danışılası deyil, çox bərbad gündədir. Xüsusən də gənclərimiz özlərini heç idarə edə bilmirlər.
Onsuzda bu ölkədə
korrupsiya, özbaşınalıq baş alıb gedir, özü də çox sürətnən, əlbət bir gün
yanacağı bitib dayanacaq. Yəni əlli min avro qiyməti olan Avropa avtobusları.
Azərbaycanda yalnız bu avtobusa yuz min manata sahib olmaq olar, o da nəğd
qiymətə. Kreditlə neçəyə başa gəldiyini yazmağa ehtiyac yoxdur, məlum məsələdir
ki, banklarımız 27 faizdən aşağı kredit vermirlər vətəndaşlarına.
Ümumiyyətlə, nəqliyyat mədəniyyətimizdən danışılası deyil, çox bərbad gündədir. Xüsusən də gənclərimiz özlərini heç idarə edə bilmirlər.
Hərdən düşünürük yaşlı nəsil sovet dövrünün
təzyiqi altından çıxmış cəmiyyətdir, onları bir təhər başa düşüb yola vermək
olur. Təccüblü olan budurki bizim ümüd edib, arxalandığımız gənc nəsil daha
betər gündədirlər ( söhbət dəli qanlılardan gedir).
Mənə bir şey maqaqlıdır, bu vətəndaşlar Avropa
avtobuslarından istifadə edərkən heç özlərini Avropa avtobusunda, Avropa kuçələrində
hiss edə bilirlərmi? Həmən o, şəxslərdir ki, reallığa göz yumub utanmadan
deyirlər, ölkəmizdə hər şey qaydasındadır, bax kuçələrimiz nə qəşəng gözəlləşib
günü-gündən. Biz də bilirk ki, şəhərlərimiz gözəlləşir günü-gündən, amma hansı
pullar ilə. Şəhərlərimiz nə qədər gözəl olsa da, nə qədər sürətlə inkişaf etsə
də, yoxsulluq baş alıb gedir. Çətindir vəziyyət çox çətin, dözülsəsi deyil, heç
duzəlməkdə bilmir.
Uşaqlıqda tramvay sürməkdən çox xoşum gəlirdi.
Tramvay sürmək üçün yol boyu pul yığmaqla məşğul idim, pulsuz konduktorluq
edirdim, tramvay maşinisti də arada tramvay surməyə şərait yaradırdı. O vaxtan
da ağlımda bir soz qalıb, tramvayda dava düşdü, sərnişinlər arasında dava
düşdü. Ara sakitlləşəndən sonra biri kişi dodağının altında mızıldayarağ dedi,
hər gün tramvayda bir kitab yazmaq olar. O, vaxtdan kişinin dedikləri yaddımdan
çıxmayıb aradan iyirmi ilə yaxın vaxt keçsə də, elə bil həmən o kişi o sözləri
dünən üçün yox, bu gün üçün deyib.
Yaşlı nəsil elə elə bilir ki, Avropa dedikdə
“lifçik”, “tursik” başa düşülür, Avropa dedikdə fahişələr, geyler, barlar, daha
nələr yada düşür. Savadsız kütlə başa düşmür ki, Avropa olmasaydı hələ də
Ərəbistanın səhralığında yaşayırdılar. Day anlamırlar ki, Avropanın hesabına bu
vəziyyətə gəlib çıxmışıq.
Bu yaxınlarda 51 nömrəli marşurutda yol
gedirdim, bir xala mindi avtobusa. Bu xala ərinməyib gəlib başımın üstündə
dayandı, avtobusa minər-minməz başımın üstündə dayandı. Xala iki
dayanacaq getdikdən sonra gördü heç kim buna yer vermək fikrində deyil, tapança
kimi açıldı.
Heyif deyildi sovetin dövrü, boyuk-kiçik var
idi. Bəlkə də, xala cavanlığında sovet hökümətinin dövründə babat civi olub,
babatda civilik edib. İndi bu xala 51 nömrəli avtobusda başımızın üstündə
dayanıb bizə mədəniyyət dərsi keçir: “Bunlara bax, böyük-kiçik bilmirlər,
oturublar, yerdə vermək istəmirlər...” Xalanın cavabını vermək üçün soruşdum,
xala neçə yaşın var?
Dedi: 55 yaşim var. Dedim: ay xala 55 yaşında
bir xanıma “nənə” demək olar, məsələn sizə? Dedi, mənə nə olub ki, nə yaşım
var, nənə olam. Dedim, ay xala, niyə oturmaq üçün narahat olursan,
Avropada belə şey yoxdur. Dedi ki, bura Avropa deyil, bura Bakıdır, həm də
Avropada qızlar lifçiknən gəzirlər. Bir sual ilə xalanın iynəsini vurdum.
Soruşdum ki, xala Avropanı bəyənmirsən? Dedi yox, axı oranı necə bəyənə
bilərəm, oralar hamısı pozğunxanadır. Dedim, xala bəyənmirsənsə, indi yol
getdiyin, istifadə etdiyin avtobusu Hollandiya istehsal edib. Xala elə bil
yenicə doğulmuş quzu balasına döndü.
Məni həmişə güldürən səhnə oğlanlarımızın
igidlikləridir. Xanımlar avtobusa minər-minməz oğlanlarımzı elə bil min voltluq
cərəyana qoşurlar, “reski” ayağa qalxıb onlara verirlər. Belə olanda mən hərdən
sağa-sola baxıram, görəsən, nə hadisə baş verdi ki, bir anda bir xanıma görə on
nəfərə yaxın dəli qanlı ayağa qalxır. Çox maraqlı mənzərələr baş verir
Azərbaycandakı Avropa avtobuslarında.
Mən 6 yaşımda olanda 1-ci sinifdə oxuyanda
dərsliklərdə özümüzdən böyüyə yer vermək barədə nəsihətlər yazılardı. İndi mən
29 yaşında ola-ola durum yerimi məndən 17-di yaş kiçik 12-yaşında uşağa necə
verim?
Bizim nəqliyyat mədəniyyətimiz çox pis olduğu
halda hansı inkişafdan danışa bilərik? Bu olkədə heç nə dəyişmək fikrində
deyil, ya da ki, biz özümüz istəmirik, bu dəyişikliklər olsun.
Nəqliyyatda qəzet, kitab
oxuyan görəndə az qalıram üzündən öpüb deyim ki, gələcək siz qəzet və
kitab oxuyanlarladır...
Комментариев нет:
Отправить комментарий